名 料理 (Closed)

平時去開大尾篤踩完單車或者遊車河睇下星星，除左食燒烤bbq仲有咩選擇？推介大家一間日式料理，唔單止有串燒、刺身、日式食品，涼涼地而家仲有露天任食火鍋！小編今次即刻試一試，肥牛好有牛味～仲有好多不同嘅火鍋配料全部真空包裝十分衛生，喺戶外食火鍋更加有風味！魷魚、豬扒、帶子同埋雞扒都好正，仲有一啲炸物例如天婦羅、炸魚柳等等，食緊有少少口渴仲有飲品任飲，汽水啤酒任君選擇，爽😋食物方面仲有啲簡單前菜例如中華沙律、海蜇等，數之不盡，咁多食材例如鴨血餃子魚皮餃更加係多不勝數，喺度就唔花時間逐項數啦～反而推介大家一個食法，試下買一隻生雞蛋，打落碗發成蛋醬，再放啲剛剛烚好嘅肥牛墨丸落去醮，好似壽喜燒咁又滑又香！推介大家下次去到大尾篤不妨試下名料理😍