經常同朋友行完山都會搭巴士到灣仔,
尋日遲起步, 所以行完山落到灣仔都5點幾,
朋友建議食金鳳, 之前見佢經常有10個8個人排隊,
所以預先講明, 因為仲要食夜晚飯, 如果要排隊就唔入去食,
點知咁"好彩" 唔洗排, 仲有4人卡位坐
坐低即點..........款式唔多, 我地3人都叫D餐,
麵包冇得你揀, 只得菠蘿包, 是旦啦, 茶餐廳唔會差得去邊.
點知就瀨o野啦~
滿懷希望諗住影番張靚相預備放上網,
殊不知個菠蘿包凍冰冰唔在講, 實的的, 掟死狗, 咬一啖已經放番低
..........(明明行完山肚餓到震)
跟住o黎埋個餐肉意粉..........嘩....未食過咁差o既茶餐廳,
d意粉煮到過晒籠, 淋到唔知點入口 (當然係唔好浪費情形下, 夾硬食晒 >_<)
塊午餐肉煎都唔煎下...........唉..........難怪見到隔離枱班後生仔連沙o爹公仔麵都食剩晒d公仔麵.
超唔明點解會有人排隊,,,,,,
我..........你請我食我都唔會食.......一定冇下次, 太差了~!
