Read full review
2018-10-04
1003 views
今晚黎到呢間餐廳開餐, 室內 & 門面嘅裝修都以木為主, 名乎其實係一間 “小木屋”。 餐牌分 Set Dinner, A La Carte, Snack & Drink List, A La Carte 菜式只要加 $78 就可以轉跟餐。是日餐湯是日餐湯有兩款: 南瓜蓉忌廉湯 & 粟米忌廉湯。 南瓜蓉忌廉湯, 口感幼滑軟綿, 南瓜味清甜濃厚, 用黎沾餐包食一流 粟米忌廉湯有別於平時飲開嗰D, 佢地用上大量雜菜粒一齊煮, 令成個湯增添唔少口感, 可以話係粟米雜菜忌廉湯。帝王蟹餅配蛋黃芥末醬蟹餅微微煎香, 入口啖啖蟹肉 配埋蛋黃芥末醬一齊食可以提升蟹肉嘅味道。忌廉芝士茄子卷喜歡食忌廉芝士嘅人一定要食呢款小食, 茄子包上忌廉芝士一齊炸, 食落去芝士味大於茄子, 而茄子又可以中和番忌廉芝士膩膩嘅感覺, 配搭得唔錯。蘇格蘭蟶子皇蒜片辣椒欖油意粉蟶子屬於大 Size, 經微微煎過後, 口感變得爽脆鮮嫩, 意粉唔會煮到過熟, 食落去仲有咬口, 蒜香味濃郁, 非常惹味 煙燻法國白春雞配南瓜蓉燒烤汁白春雞散發陣陣煙燻過嘅焦香味, 肉質仍然保留到嫩滑鮮美, 而且肉厚骨少, 可以啖啖肉咁食, 配埋特
餐牌分 Set Dinner, A La Carte, Snack & Drink List, A La Carte 菜式只要加 $78 就可以轉跟餐。
是日餐湯
是日餐湯有兩款: 南瓜蓉忌廉湯 & 粟米忌廉湯。 南瓜蓉忌廉湯, 口感幼滑軟綿, 南瓜味清甜濃厚, 用黎沾餐包食一流
粟米忌廉湯有別於平時飲開嗰D, 佢地用上大量雜菜粒一齊煮, 令成個湯增添唔少口感, 可以話係粟米雜菜忌廉湯。
帝王蟹餅配蛋黃芥末醬
蟹餅微微煎香, 入口啖啖蟹肉 配埋蛋黃芥末醬一齊食可以提升蟹肉嘅味道。
忌廉芝士茄子卷
喜歡食忌廉芝士嘅人一定要食呢款小食, 茄子包上忌廉芝士一齊炸, 食落去芝士味大於茄子, 而茄子又可以中和番忌廉芝士膩膩嘅感覺, 配搭得唔錯。
蘇格蘭蟶子皇蒜片辣椒欖油意粉
蟶子屬於大 Size, 經微微煎過後, 口感變得爽脆鮮嫩, 意粉唔會煮到過熟, 食落去仲有咬口, 蒜香味濃郁, 非常惹味
煙燻法國白春雞配南瓜蓉燒烤汁
白春雞散發陣陣煙燻過嘅焦香味, 肉質仍然保留到嫩滑鮮美, 而且肉厚骨少, 可以啖啖肉咁食, 配埋特製燒烤汁一齊食仲正
麵包布甸
甜品亦花左唔少心意佈置, 廚師用朱古力醬喺碟上畫左一間木屋同寫上餐廳名, 靚到真係唔捨得整花佢。 麵包布甸表面焗到少少焦香, 外脆內軟, 布甸 & 雲呢拿汁嘅味道唔會好甜, 係令人一試難忘嘅甜品
Post