而中菜又通常係去連鎖式酒樓，
成日都片皮鴨餐，極唔鍾意～
於是就去咗尖東一間口碑唔錯嘅中式菜館，
先上菜嘅係兩個湯，睇見松茸就必定會點，
因為松茸陣清香真係無可取代，
同行友人擇左雞湯，飲落非常濃郁，
差少少金華火腿陣味就變翅湯～
冰鎮荔枝西紅柿🍅
車厘茄粒粒飽滿，浸沒喺荔枝汁入面，
食落微酸但又有荔枝汁嘅清甜中和返，
而且賣相討好，絕對要叫！！
🥬啫啫芥蘭煲
上菜時一貫啫啫煲必有嘅咋咋聲，
聽落食指大動，打香撲鼻嘅蒜茸香氣，
入面嘅芥蘭好有鑊氣，條條咬落都卜卜聲，
火侯掌握得很好👍🏻
🧜🏻♂️脆米海皇泡飯
魚湯鮮甜，完全無泥味無腥，
好醇厚嘅魚湯，最特別係可以自己加脆米，
有少少粟米片嘅感覺🤣
泡飯湯料最多嘅係柱貝粒，粒粒飽滿🈵
🍤燕麥金沙蝦球個黃金皮好挺身，
做到外脆內軟，粒粒海蝦肉超大件～
嫌平時黃金蝦有蝦殼嘅朋友一定要試，
咬落啖啖肉好正🌟
🐖 冰鎮咕嚕肉上菜係禾稈冚珍珠嘅架勢，
翻開上層冰塊就見到咕嚕肉，
每嚿細細粒，係一口就食到嘅大小，
外凍內熱，好開胃😌
同屋企人食中菜多數都會去連鎖酒樓，
食物質素真係非常普通，
滿小館就行一種小品精緻中菜路線，
每道菜都充滿靈魂，店員服務有禮，
成餐飯都食得好舒服，中秋一定要帶屋企去食吖🥮
