路過一位落力推介的店員（雖穿制服，但落力程度似老細），仲話做緊特價，半隻雞煲只係88元，見門面乾淨，抱「試下囉」心態上樓一試。
可能係新開張，招待非常好，每位店員都貼心服務，香港少有！
兩人食晚飯，叫左以下食物：
半隻雞煲bb辣 - 好味，份量好似多過出面啲半隻，如果雞肉入味啲會更好
本地手切牛肉 - 比想像中好，以為自己食牛肩脊，感覺新鮮，推介！
手打三色丸 - 始終新鮮係好食啲
雙拼菜 - 新鮮、乾淨，最合人少食
響鈴 - 可以，至少冇起潮
連一罐無糖可樂，兩位約500幾蚊，正常價。
下次想同一大班朋友去，試多啲野。希望餐廳可保持水準。
1
