咕咾 (Closed)

呢間嘢我成日經過，港式裝修，新開張第一次食過咕佬豬扒刈包時覺得還可以啦，不過真係價錢貴，成日攪埋啲學生優惠同早餐，之前學生平過一般人10蚊（平5蚊都可以理解），真係難以理解佢點解要多收阿叔呢啲打工仔10蚊咁多，所以之後一直都冇幫襯，似乎係最近先將各個餐嘅學生價同正價嘅差價改為8-10元，而呢次光顧出於附近地方冇小食可以買。咕佬豬扒刈包 $48店員態度都ok，不過似係掛住同朋友吹水多過做嘢。由於唔係午餐時間，冇任何優惠，$48得一個細包，塊豬扒正常尺寸，唔覺得大塊，炸得唔夠，有陣豬腥味，好薄，咕嚕醬汁正常，塊菠蘿可能係最好食，塊刈包好細塊下，就算你塊包細到膠布咁，對比起都唔代表你塊豬扒係大塊，而且好難拎上手食，味道差過新開張嗰時。以呢個價錢同食物質素，俾到盡都係中下，既然以咕佬豬扒包為招牌，就應該要好好改善...