風流居酒屋 (Closed)

有日去大圍食lunch，又唔想食米線又唔想食茶記，行行下係村屋到見到有間居酒屋！睇睇lunch menu，有拉麵，定食，丼飯，價錢合理一於試試。點左個雞肉串丼飯，買相好靚，開頭仲擔心食唔晒，叫咗小飯，點知原來好細碗😅朋友正常份量都覺得細碗，男士未必夠飽。個飯有五支串燒，分別係玉子燒；釀雞翼；燒雞軟骨；汁燒雞肉串同免治雞肉棒！相當豐富，味道正常正常，因為應該大部份都係凍肉店買到，同可能lunch 都係燒定，感覺唔夠火喉，但一次過食到五款唔同既串燒，感覺好滿足既！個餐包咗小食，當日係泡菜牛脷，仲包汽水。