清酒煮花甲：＄５８，是日精選。份量大約有十三隻花甲，好鮮甜。不過唔知係咪未洗乾淨，每一口都有"屎屎"。
湯底有幾種口味選擇，我記得有原味豬骨、黑蒜同番茄。肉可以選叉燒或豬軟骨，而麵亦可以選擇曲麵或者直麵～麵既煮法都有軟／硬。多種選擇可以自由配搭。
因為我叫左原味豬骨＋黑蒜，所以特別有印象
原味豬骨叉燒曲麵：濃濃既豬骨湯，乳白色，一睇就知係煲左好耐，叉燒厚薄平均，我覺得２塊紫菜係妙筆生輝！
黑蒜豬軟骨麵：我至愛既黑蒜湯底，粒粒粟米好鮮甜。豬軟骨好軟，入口咬２啖Ｄ肉就脫骨，味道適中，＄６８，價錢好公道。
