睿日本料理 (Closed)

大坑好多高質小店，我自己好少黎呢頭，都係前幾日朋友帶我去行下我先知呢頭係點哈哈。今日佢帶左我黎一間日本料理，慶祝佢升職～呢間餐廳由天后站出發行10分鐘左右，途中仲見到佢分店（好似係居酒屋定燒肉之類）外面好靚！佢話之前試過，都好味，所以今次試下佢啲壽司刺身果啲。餐廳幾骨緻，一眼睇曬，任何位置都見到師傅預備食物。我地壽司、刺身、小食各樣都叫左啲。首先有薄切海雕刺身 — 不得了！好驚喜，調味超出色，醬汁酸甜兼備，仲有蔥吊下味，再有特製既wasabi，師傅自己炮製，酸酸甜甜加wasabi既少少辣味，超開胃，刺身夠凍，口感不錯，調味濃得黎又保有魚既鮮味，正之後我地叫左壽司，壽司上既刺身切得好靚，好有心思～左口魚好肥好有油感，軟軟地好好味～蝦又係好肥美，仲去左尾殼，好貼心～所有魚都新鮮我地仲叫左燒物燒青椒仔，其實平時我係唔食青椒，但朋友話日本調過味既青椒好入得口，我食完絕對唔會後悔，即管一試，點知又比佢講中，惹味得黎唔會有果陣好強既青椒味，不得𣎴覺得神奇，仲有佢個醬汁又係好正。燒牛脷 非常爽口，好好味，鹽燒得好出色，好口味～天婦羅好驚喜，因為超多！真係咩類型既天婦羅都有，當中當然最正係軟殼蟹，口感