想食到平靚正的食物，其實要有「長途跋涉」的決心。
因為朋友住葵涌，話樓下有間特色串燒，講明唔落味精，又好味，點都要我來試下。
一聽到有隱世美食，就算地點唔近地鐵站，都阻止唔到我要來食既決心
果然係標榜唔落味精。
餐廳地方唔大，但食物就有好多選擇，而且最重要係價錢好平。
燒蠔、扇貝 果Ｄ都係$15一隻咋。
芝士蒜蓉燒蠔 $15蒜蓉燒扇貝 $15就算唔落味精都咁香口，蒜蓉真係冇得輸，最緊要蠔同扇貝都新鮮
燒原條茄子 $26呢個係店員強烈推薦！因為製作需時，所以一坐低就點左！
但美食係值得等待的，一上枱就俾我搶哂來食，而家睇返Ｄ相仲好想ENCORE呀
燒黑椒台灣腸 (麻辣) $12燒蜜糖台灣腸 (香辣) $12去親台灣都食，而家係香港都食到了
個人更喜歡黑椒那款～
燒孜然羊架 $25呢個係大陸的風味～孜然粉超惹味的！
燒極品牛柳串 $14燒五花腩串 $12燒蒙古羊肉串 $14！！！重點推薦！！！
當中最驚喜係羊肉串，因為：
好味到再嗌多兩串
燒金菇肥牛卷 $15
全部即叫即整，等待的過程已經聞到香味，食到唔停得口
店員很健談，服務態度非常好，這也是街坊小店才有的溫馨。
推薦大家真的要來試試，絕對不會失望，很值得特地來一趟
