Read full review
2018-10-08
150 views
唔經過真係唔知，原來眾多甜品店包圍嘅希雲街後面嘅加路連山，竟然隱藏左間米芝蓮推介嘅Jo拉麵，鍾意食拉麵嘅我梗係唔會錯過啦。我同朋友分別叫左個特制沾麵加叉燒木耳，蒜油豚骨拉麵，一分葱花牛舌同杯氣水。特制沾麵有冷熱選擇，而我就對熱嘅比較感興趣，本以為熱嘅麵會係麵質方面比較失色，點知熱粗麵同樣好有彈性，唔驚整凍湯之餘麵質亦相當有質素。加上粗麵嘅掛湯能力高，配埋味道濃郁嘅木魚豚骨湯，就更加無得彈。叉燒係半肥瘦嘅，瘦嗰邊嘅肉唔會好粗糙，脂肪部分令我見識到咩叫齒頰留香。沾麵有半隻半熟蛋，雖然唔算好流心，但係蛋白入面都好滑。不過沾麵係無木耳嘅，鍾意食嘅就要額外加錢買啦。同埋可惜嘅係湯係無得加熱，要keep到啖啖都夠熱就要食快啲啦。朋友叫嘅蒜香豚骨拉麵味道都唔錯，七分蒜香三分油香。油香並唔單單係麻油，而係會見到一粒粒炒香左嘅芝麻係湯入面。拉麵用嘅係幼麵，麵質相對較淋，叉燒嘅水準穩定，有木耳椰菜等配料。而葱花牛舌就係必定回購嘅美食，牛舌有咬口得黎唔會咬唔開，黑椒嘅辣同鹽嘅咸味調較得合適，淡淡嘅葱香再加上少許嘅檸檬汁令食物更清新同鮮味。可樂其實如果夠凍嘅話到到都一樣，不過如果佢嘅食用水可以加返啲檸檬落去就
我同朋友分別叫左個特制沾麵加叉燒木耳，蒜油豚骨拉麵，一分葱花牛舌同杯氣水。
特制沾麵有冷熱選擇，而我就對熱嘅比較感興趣，本以為熱嘅麵會係麵質方面比較失色，點知熱粗麵同樣好有彈性，唔驚整凍湯之餘麵質亦相當有質素。加上粗麵嘅掛湯能力高，配埋味道濃郁嘅木魚豚骨湯，就更加無得彈。叉燒係半肥瘦嘅，瘦嗰邊嘅肉唔會好粗糙，脂肪部分令我見識到咩叫齒頰留香。沾麵有半隻半熟蛋，雖然唔算好流心，但係蛋白入面都好滑。不過沾麵係無木耳嘅，鍾意食嘅就要額外加錢買啦。同埋可惜嘅係湯係無得加熱，要keep到啖啖都夠熱就要食快啲啦。
特製沾麵
$106
23 views
0 likes
0 comments
朋友叫嘅蒜香豚骨拉麵味道都唔錯，七分蒜香三分油香。油香並唔單單係麻油，而係會見到一粒粒炒香左嘅芝麻係湯入面。拉麵用嘅係幼麵，麵質相對較淋，叉燒嘅水準穩定，有木耳椰菜等配料。
蒜油豚骨拉麵
$88
19 views
0 likes
0 comments
而葱花牛舌就係必定回購嘅美食，牛舌有咬口得黎唔會咬唔開，黑椒嘅辣同鹽嘅咸味調較得合適，淡淡嘅葱香再加上少許嘅檸檬汁令食物更清新同鮮味。
葱香牛舌
$70
15 views
0 likes
0 comments
可樂其實如果夠凍嘅話到到都一樣，不過如果佢嘅食用水可以加返啲檸檬落去就可以清一清麵嘅濃味，咁就無咁易食膩。
可樂
$10
14 views
0 likes
0 comments
Post
