😋 蒜香辣椒蜆肉意粉配軟殼蟹 ~ 呢個意粉一上枱已經聞到陣陣蒜香，辣椒唔算太辣，反而帶出蜆肉鮮味。最開心係呢隻炸到又香又脆嘅軟殼蟹，外皮酥脆但唔油膩，夠晒滋味！
😋 招牌名古屋鰻魚大阪燒意大利飯 ~ 個底係 creamy 嘅意大利飯，上面就鋪咗厚厚嘅一條大鰻魚，燒得香口得嚟又有煙韌感，再加埋大阪燒嘅元素，呢個 fusion 菜係幾有創意。
🍰 Tiramisu ~ 賣相唔花巧，但一食落去就覺得好滿足，忌廉滑到不得了，咖啡酒味唔會太搶，平衡得好好。原來逢星期一至四加 $28 就有蛋糕放題，仲有六款選擇，其他 cheesecake 都幾吸引，可惜今日實在太飽，唯有留返下次先再嚟慢慢試。
5
