面試完個肚都有少少餓，聽人講鰂魚涌海光街有好多餐廳，一於去搵食先
果然海光街數數埋埋都幾十間唔同類型既餐廳
最後就揀左「隨心」
揀呢間餐廳既原因係我今日想食喇沙
佢喇沙都有好幾款，最後就揀左海鮮喇沙
喇沙都幾大碗，配料都算多~有大大隻帆立貝、兩隻大海蝦、魚片同蟹棒等等
湯底好濃郁，飲落口唔係好水個種，係會有少少顆粒質感個種~可想而知佢落幾重料去煮個湯底
椰香味好明顯，帶點香甜，但又不失喇沙應有既辣味
麵條煮得軟硬適中，如果煮得太淋就會破壞左成碗喇沙
一口麵一口湯，真係絕配到不得了
唔經唔覺都飲左大半碗湯底~真係有少少唔夠喉~
餐飲我揀左熱檸檬薏水~薏米好軟糯，好快就俾我食哂~
