事隔三個月仲以為唔會咁多人買啦🤤
點知經過嘅時候仍然人山人海🙃
唔通香港人真係咁鍾意排隊？
還是係啲人氣小食好食咗呢！
就等小妹同大家解答吓呢個問題啦～
平日去到見到有三條隊😰
左邊排懷舊小食，右邊排布甸麵包
而中間就有一堆人買緊普通麵包🥯
🍞 法式麵包布甸 $15
天氣咁熱，今次就冇整熱嚟食啦
包皮有嚼勁，布甸QQ地😍
有流心之餘蛋香味都夠足😗
無論係質地或口感都仍然保持到水準！
☕️ 咖啡鬆餅 $9
呢款係小妹嘅最愛，次次見到都買🐷
雖然加咗$1但懷疑落多咗咖啡粉！
咖啡味超級香，搞到整個袋都係...
而且食落去咖啡味都好濃郁🥰
就算放咗幾日口感仍然保持到蓬鬆嘅狀態
絕對係下午茶必食嘅小食之一！
🥥 椰撻 $9
撻底香脆金黃，內餡鬆軟😄
加埋椰絲餡料有陣陣嘅椰香～
比起蛋撻做得更加出色，值得一試！
⭐️ CP值：🐘🐘🐘🐘
⭐️ 打卡able：🐘🐘🐘.5
⭐️ 舒適度：N/A
⭐️ 再食指數：🐘🐘🐘🐘
（5 星為滿分）
