鴻啤啤串燒 (Closed)

係尖沙咀飲酒最正都係食串燒或者燒海鮮。呢一間餐廳我鍾意佢比較乾淨企理。入邊仲有一幅大嘅香港油畫，好易認。趁着呢排又有波睇，就約咗個friend落去飲返兩杯。叫咗啤酒同幾款小食由於肚餓，自己叫咗條燒鯖魚打呢底，笑得啱啱好一啲都唔會乾。之後叫咗個雞泡魚乾，有得咬吓，朋友就掉咗一條一夜干馬友食。清晒之後，又叫咗蒜蓉扇貝同埋錫紙花蛤，海鮮都係我推介可以試吓。另外亦都推薦燒牛舌芯，又淋又滑。都係要食返少少肉開心啲。