新星海鮮酒家 (Closed)

一向好欣賞新星既流沙包，次次有機會飲茶，都盡量揀新星，無他，就係因為個流沙包。今日改變左少少，因為朋友不好甜食，所以叫左其他點心，不過都好開心，因為一樣咁出色。是日餐單﹕(1)炸雲吞﹕好鬆好脆，配埋個酸汁真係一流，雖然都好熱氣下(2)花生雞腳﹕好入味，亦夠腍身，d花生都好香(3)胡椒豬肚湯﹕keke，勁胡椒，飲落好刺激!!! 雖然未到冬天，需要暖胃的效果，但真係幾好味丫(4)燒賣﹕普普通通，不過夠大隻，好鬼抵因為仲有下場，所以不能食咁多。悠悠閒閒咁坐左個多小時，傾下計，真開心。