知粥嘗樂 (Closed)

返工嘅時候同同事講起想食粥，即興就約咗放工一齊去知粥嘗樂食晚餐！平時早餐間唔時都會嚟買粥番公司食，但原來除咗粥仲有好多嘢食嫁🤩沙巴龍躉粥：用砂鍋直接上枱熱辣辣，溫度仲可以保存得耐啲，我哋叫咗細鍋但係每人都分到兩三碗，龍躉肉分量都幾多，呢個價錢絕對抵食！魚肉味道較淡，食之前點少少附送嘅蔥同豉油味道就剛剛好😊鮮蝦腸粉：腸粉皮又滑又薄，每條入面仲有2隻大大隻彈牙又有鮮味嘅大蝦❤️黑豚肉生菜腸粉：腸粉皮同蝦腸嘅一樣咁滑，餡料係嫩滑有肉味嘅黑豚肉加上爽脆嘅生菜，口感層次更加豐富！香煎鯪魚餅：鯪魚餅彈牙無任何細骨，煎到好香口同惹味，配埋熱粥一齊食真係一流！鮑汁鳳爪：以小食份量嚟計分量都算幾多， 鮑汁微甜鳳爪煮到好入味又唔會太鹹，連配菜嘅花生都好好食，鳳爪感覺到有滿滿嘅骨膠原😆