20
18
24
Level1
3
0
2017-02-23 377 views
今日同媽咪行街,到中午果陣黎左呢間上環嘅日本餐廳-夢見屋食飯。門口見到啲食物模型幾吸引,入面又有蘑菇頭fatina嘅插畫牆,覺得應該都唔錯,但事實係相反,真係令我好失望。之前係電視上見過飲食節目介紹茶漬飯(唔係介紹呢間),顧名思義就係將茶倒落啲飯到拌黎食,節目上講到會有茶香味,覺得幾特別,所以就揀左個蒲燒鯛魚茶漬飯。另外揀左個絕對穩陣嘅滑蛋吉列豬扒飯,即使難食都有個譜嘅。食物好快就黎到,一試個茶漬飯真係好唔掂!啲茶完全冇茶味,即使有都一定好淡,因為倒左落飯到一啲都食唔出,個味道絕對係同白飯溝水冇分別,而鯛魚嘅味就普普通通,冇嘜特別。呢個飯仲跟左兩條酸青瓜"仔",同一件沾左芝麻醬嘅豆腐"仔",豆腐幾滑幾好食,其實呢個飯嘅重點係咪件豆腐?LOL至於個豬扒飯,滑蛋夾左係飯同吉列豬扒之間,少到大概只有半隻蛋嘅量,可能講半隻係誇張左啲,但真係唔覺有一隻蛋係到,真係好少!不過同個茶漬飯比起上黎,都算不過不失啦。我同媽咪食完之後,就即刻有職員黎收野,呢樣冇問題,而我地都打算埋單走啦。當下見到門口擺menu個位有2個客人等緊,而當時近門口有一張吉枱,近窗口亦有2個空位,餐廳再入去或者仲有位,但就有個入
Read full review
今日同媽咪行街,到中午果陣黎左呢間上環嘅日本餐廳-夢見屋食飯。門口見到啲食物模型幾吸引,入面又有蘑菇頭fatina嘅插畫牆,覺得應該都唔錯,但事實係相反,真係令我好失望。

之前係電視上見過飲食節目介紹茶漬飯(唔係介紹呢間),顧名思義就係將茶倒落啲飯到拌黎食,節目上講到會有茶香味,覺得幾特別,所以就揀左個蒲燒鯛魚茶漬飯。另外揀左個絕對穩陣嘅滑蛋吉列豬扒飯,即使難食都有個譜嘅。

食物好快就黎到,一試個茶漬飯真係好唔掂!啲茶完全冇茶味,即使有都一定好淡,因為倒左落飯到一啲都食唔出,個味道絕對係同白飯溝水冇分別,而鯛魚嘅味就普普通通,冇嘜特別。呢個飯仲跟左兩條酸青瓜"仔",同一件沾左芝麻醬嘅豆腐"仔",豆腐幾滑幾好食,其實呢個飯嘅重點係咪件豆腐?LOL
至於個豬扒飯,滑蛋夾左係飯同吉列豬扒之間,少到大概只有半隻蛋嘅量,可能講半隻係誇張左啲,但真係唔覺有一隻蛋係到,真係好少!不過同個茶漬飯比起上黎,都算不過不失啦。

我同媽咪食完之後,就即刻有職員黎收野,呢樣冇問題,而我地都打算埋單走啦。當下見到門口擺menu個位有2個客人等緊,而當時近門口有一張吉枱,近窗口亦有2個空位,餐廳再入去或者仲有位,但就有個入面著灰色恤衫,出面著黑色背心冷衫嘅女職員即刻行過黎話"介唔介意騰番兩張枱比我地",其實我地係係冇咩人嘅時候入黎,而職員叫我地坐梳化位,所以我同媽咪左右坐隔離,2個人坐左4人枱,如果係繁忙時間我地都一定會打對面坐,而且當時右面枱嘅人都係咁,個場又有好幾張空枱,加上職員冇唔比,所以就咁坐定左。到果下職員叫我地騰番張枱比佢地,我覺得真係令人好反感,第一個反應係趕我地走,如果你話"請問介唔介意有客人搭枱?",咁我就冇問題,呢個係唔趕客又可以幫其他客搵到位嘅講法。如果唔係,就請呢間餐廳嘅帶位員帶好啲位,指明客人坐邊一個位。

即時埋單走左之後,睇下錶,係12:55。再睇番張單,入單時間係12:29。出餐我預佢1個字時間,即係我地用左4個字食飯就比人趕走,真係極之離譜,究竟憑咩收我10%服務費?絕對絕對唔會再幫襯,但我希望職員會改善下呢個問題。
21 views
0 likes
0 comments
19 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2017-02-23
Dining Method
Dine In
Spending Per Head
$90 (Lunch)