Read full review
2021-11-09
540 views
阿仙奴主場餐廳，有幾間分店，今日我哋就選擇左去油麻地呢間，好方便，地鐵站行1分鐘就到，雖然我不是球迷，但亦都被呢間餐廳嘅裝修吸引住，餐廳場上掛滿阿仙奴球員嘅球衣，最醒神係枱枱櫈櫈，灰色枱襯左紅色櫈，好多紅色嘅擺設，呢個環境，食嘢都食得開心啲，今次嚟呢度食主要係朋友黎過，介紹呢度啲嘢食又好食又抵食，咁我一定要嚟試吓啦😋▪️🧆Set Dinner 包左沙律，餐湯，麵包，主菜和飲品🥗南瓜雜菜沙律用一個靚靚嘅玻璃甖裝住沙律上枱已經好有心思，令人食慾大增 ，新鮮沙律菜，南瓜加上黎麥，配埋黑醋醬汁，口感豐富，新鮮好味，胃口已經打開🫕甘荀湯湯好濃甘荀味，好Creamy ，但仍然食到甘筍蓉，而且調味剛好，好清甜🧄蒜蓉包即烘嘅蒜蓉包，好香濃嘅蒜蓉牛油味，而且麵包外脆內軟，非常好食，我是麵包控，一塊實在唔夠我食，簡單嘅一塊伴湯麵包，亦睇得出餐廳嘅用心，絶對唔馬虎▪️🥘雜肉扒 $188（雞扒，牛舌，德國腸，溫泉蛋）~雜扒是小時候最愛食的扒餐，因為有好多嘢食好開心，長大咗之後都會時常掛念，今次試吓呢個係改良版嘅雜扒，非常有驚喜。~雞扒煎得皮脆肉嫩，而且好入味，最好食就係個牛舌，好厚身但係整得好軟淋，超正💛腸仔就係
▪️🧆Set Dinner
包左沙律，餐湯，麵包，主菜和飲品
🥗南瓜雜菜沙律
用一個靚靚嘅玻璃甖裝住沙律上枱已經好有心思，令人食慾大增 ，新鮮沙律菜，南瓜加上黎麥，配埋黑醋醬汁，口感豐富，新鮮好味，胃口已經打開
🫕甘荀湯
湯好濃甘荀味，好Creamy ，但仍然食到甘筍蓉，而且調味剛好，好清甜
🧄蒜蓉包
即烘嘅蒜蓉包，好香濃嘅蒜蓉牛油味，而且麵包外脆內軟，非常好食，我是麵包控，一塊實在唔夠我食，簡單嘅一塊伴湯麵包，亦睇得出餐廳嘅用心，絶對唔馬虎
▪️🥘雜肉扒 $188
（雞扒，牛舌，德國腸，溫泉蛋）
~雜扒是小時候最愛食的扒餐，因為有好多嘢食好開心，長大咗之後都會時常掛念，今次試吓呢個係改良版嘅雜扒，非常有驚喜。
~雞扒煎得皮脆肉嫩，而且好入味，最好食就係個牛舌，好厚身但係整得好軟淋，超正💛腸仔就係最愛既脆皮腸，最得意就係個溫泉蛋，非常新鮮嘅配搭。
~配菜方有香甜嘅南瓜蓉同埋羽衣甘藍菜，都係一個好新穎嘅配搭，唔使成日食薯條咁熱氣。
▪️🥩香燒美國Creekstone
牛肉眼拼法國鵝肝 $238
~上枱好香炭燒味，而且超級大塊，我點五成熟，外層燒到帶焦脆，生熟程度剛剛好冇得挑剔，牛扒肉味幾濃，肉質軟淋而且邊位帶少少肥膏，重點係牛扒要加埋少少肥膏一齊食先好食😋
~鵝肝水準一樣好，煎到外脆內軟，如果大塊少少或者多一件就好
~配菜方面一樣，都係香甜嘅南瓜蓉同埋羽衣甘藍菜
🍹紫薯Latte (推介）跟餐加$18
呢個係餐廳推介，我又鍾意紫薯一定要飲啦
紫白色嘅賣相好吸引，飲落去淡淡紫薯香加上香濃嘅牛奶，不太甜，非常好飲
☕️即磨香濃熱咖啡
咖啡幾香濃，最緊要夠熱，食飽飽要嘆番杯咖啡
▪️🐔水牛城雞翼$ 78
兩個晚餐點會夠我哋兩個大食積食，點都要加個小食助興下😎餐廳一有呢個雞翼我都會必點，呢度嘅水牛城雞翼超級大隻，而且醬汁傳統就最啱我哋口味，重點係外皮一定要仍然保持酥脆，全部做到了，口味非常對勁，正
▪️晚餐可以用六折價錢享用甜品👍🏻
甜品是晚餐之後必須的精神食糧，加上呢個價錢，幾飽一定要食啦😎
🍫朱古力三重奏心太軟 $ 78
即焗嘅心太軟朱古力，熱辣辣，朱古力味超濃，焗到外脆中間係流心朱古力，加上淡淡的吉士醬汁，真係要講句好好食
🍮即焗梳乎厘班戟 $88
配上吉士醬汁一齊食，口感鬆軟棉滑，充滿蛋香，入口即溶，好食，都係果句啦甜品幾飽都可以食得到
Post
