鴻星中菜 (MOKO新世紀廣場) (Closed)

預早同家人食母親節餐，難得有人安排唔洗自己搵地方，準時出現就得。好多年冇行呢度，因為商場裝修過，面目全非，攪咗一輪先上到嚟。印象中應該係N年前"美X皇宮"嗰度。地方都算企理，我地人少少，就揀咗個好似樣樣都有嘅四人餐。閒日夜晚人唔多，目測都坐到七成人。啲嘢好快已經上曬嚟。講下啲餸，龍蝦冇乜肉，鮑魚普普通通，冇鮮味(我相信係罐頭貨)，燒雞脆皮好食，蒸魚ok，菜煮得唔透麻麻，炒飯甜品正路。總體食味一般la，喺旺區嘅大牌子酒樓算係咁，不過份量偏少。記得以前鴻星啲前菜小食花生有啲炸魚仔好好食，但而家就冇咗lu，得返啲花生。