Video
Read full review
2006-07-15
11 views
好耐都無寫食評啦我, 皆因小女子病左=.=" 咩都無得食, 要戒口+ 無心機....可憐呀我-.-尋晚(14/07)五, 因為要拎鞋去整, so被迫出左旺角, 其實都想出去好耐, 因為睇開飯見到呢間"西門町" 好吸引, 不過病左, 無計, 但咁岩今日出左旺角, 一定要試下食...去到門口都見到好多人係入面食緊架啦, 間野真係唔係好大間, 不過好易搵到, 因為佢有個好大o既招牌係門口個伯伯同我地講要等等, 下張到我地, 我都預左架啦, 呢間野咁多好評, 又要係禮拜5, 等就梗架啦, 唔駛等先奇, 唔駛等o既真係唔食好過食..我地係門口等位個時問定個伯伯拎餐牌, 睇定有咩食, 雖然我地有3個人, 但細食怪係度, 妹妹又唔舒服, so我地諗住叫個2人餐就夠食(其實仲有3, 4, 6人套餐架), 2人餐有a,b,c揀, 都係有3個小菜+ 兩碗魯肉飯/擔仔面/擔擔面+ 兩杯野飲= $108, 好抵咁, 其實d野食都好吸引, 但係我地有病, a,b,c都唔岩我地食, a有怪味雞辣o既, b,c有牛肉,我地最後揀左散叫,咁可以揀我地想食o既野, 等左1陣已經有位(我諗因為黎呢度食o既人都明白呢度地方
尋晚(14/07)五, 因為要拎鞋去整, so被迫出左旺角, 其實都想出去好耐, 因為睇開飯見到呢間"西門町" 好吸引, 不過病左, 無計, 但咁岩今日出左旺角, 一定要試下食...
去到門口都見到好多人係入面食緊架啦, 間野真係唔係好大間, 不過好易搵到, 因為佢有個好大o既招牌
係門口個伯伯同我地講要等等, 下張到我地, 我都預左架啦, 呢間野咁多好評, 又要係禮拜5, 等就梗架啦, 唔駛等先奇, 唔駛等o既真係唔食好過食..
我地係門口等位個時問定個伯伯拎餐牌, 睇定有咩食, 雖然我地有3個人, 但細食怪係度, 妹妹又唔舒服, so我地諗住叫個2人餐就夠食(其實仲有3, 4, 6人套餐架), 2人餐有a,b,c揀, 都係有3個小菜+ 兩碗魯肉飯/擔仔面/擔擔面+ 兩杯野飲= $108, 好抵咁, 其實d野食都好吸引, 但係我地有病, a,b,c都唔岩我地食, a有怪味雞辣o既, b,c有牛肉,我地最後揀左散叫,咁可以揀我地想食o既野, 等左1陣已經有位(我諗因為黎呢度食o既人都明白呢度地方細細又多人,食完都唔會坐好耐)
我地1坐低即叫左台式茄子+ 炸豆腐+ 台式青菜+ 豬扒飯+ 魯肉飯+ 香芒雪香, 叫左無耐都已經黎哂, 雖然係快, 不過d野食都唔係凍o既, 全部都熱辣辣上架^~^
台式茄子: 妹妹鍾意食茄子, so必叫俾佢試,個汁好正!!
炸豆腐: 豆腐雖然唔係好滑, 不過個汁又係好正, 1定要趁熱食!!
台式青菜: 係油麥菜+ 魯肉, 比較特別o既配搭, 不過其實無咩特別
豬扒飯: 豬扒好正, 但係個飯略謙無咩汁, 我地唯有叫佢再俾碗魯肉汁我地撈飯食, 不過我覺得麻麻地..
魯肉飯: 推介野so必叫, 但係似肉躁咁, 一般咁啦, 可能係因為我地本來覺得魯肉應該係1塊塊, 不過呢度係肉碎咁啦, so覺得麻麻地..
香芒雪香: 叫飯/面半價叫o既, 我試左啖, 但無咩芒果味, 不過$8/9, 抵囉~
1路食1路見好多人不停咁食, 不停咁走, 不停咁好多人等位, 我地都覺得間野d野都幾好食, 又抵又唔駛+1, 雖然係細細間, 位唔多又迫, 但係旺角黎講唔錯架啦, 等位速度都ok快, 好野黎架, 下次應該都會再食^~^
3個人叫左2個小食+ 1個菜+ 2個飯+ 1杯野飲= $9x..抵食!!
食緊個時見隔離位個哥哥仔叫左個雞扒飯, 有醬點架, 好似好好食咁, 但走時係門口睇極餐牌都唔見有呢個飯, 下次試下叫黎食先得~
Post
