裝修以可愛狗狗🐶哥基為主題，周圍都有狗仔圖案，餐牌啦、牆上掛畫啦、爐頭啦，總之周圍都係打卡位🐶，有🐶🐶陪住你食放題sooooo cute。火鍋店座位尚算寬躺，卡位和包廂就更舒適。
講返今次嘅主題晚市火鍋🫕雞煲🐔任食套餐先，分每位$238、$328 兩種，兩種價錢套餐配料各有不同，最後點左$238套餐。
呢個套餐太豐富，睇到❤️❤️眼，食係咪舔舔脷呢就要試過先知啦😆。
我們急不及待先品嚐三色刺身，三文魚🍣蝦🦐等等非常新鮮。
至於新鮮雞煲🐔醬汁分幾級辣，點了BB辣。店員非常細心每隔2分鐘共拌了3次，喺炒嘅過程中加入三寶：魷魚、豬皮、牛柏葉，煮至熟透，終於可以食喇⋯⋯🥰嫩滑雞肉🐔配上芫茜、蒜頭🧄粒、辣醬非常惹味，真是絕配喔。雞肉🐔嫩滑畫，魷魚🦑煙韌，豬皮、牛柏葉爽口，味道濃郁，非常惹味，ichiban 👍🏻👍🏻。雞煲是可追加的，但由於第一round份量十足，同埋想留返個肚食火鍋，所以就無再追加喇。
嘆完雞煲，店員替我們換湯底火鍋🫕火鍋最緊要梗係湯底啦，點左蕃茄🍅薯仔🥔粟米湯底，湯底清甜，每次是添加湯，不是加水。食材好豐富，海鮮拼盤有蝦🦐、脆肉鯇魚🐟片、蜆、生蠔，夠晒新鮮，脆肉鯇🐟卜卜脆，蝦肉🦐鮮甜爽口。其他火鍋配料有一次性供應嘅牛小排🐂，其他可無限追加的有黑豚肉、三寶丸（魚旦、豬肉丸、牛丸）、三色餃（雲吞、韮菜餃、魚皮餃），包你讚佢皮薄餡靚😁。牛丸入面有芋泥，幾特別喔。牛小排和黑豚肉質也是不錯的。
其他還有生根、炸魚皮、菜籃🥬同好特別嘅紫菜響鈴，響鈴帶有紫菜香味，頗有心思。
飲品是無限添加的，選擇好多呀。
食飽飽後職員為我們送上飯後甜品，係蛋白燉奶，好滑，味道唔錯呀，鍾意佢唔太甜。
今次用膳環境舒適，乾淨企理，食材高質，價錢合理，職員也很有禮貌。我們捧腹而回，會再幫襯😄
火鍋店而家推出刺身雞煲火鍋放題套餐買4送1優惠添。大家不妨試試喔😋
