難得入長洲
決定開始前一於去長洲食個好西
食飽再開始工作
咁上網做下資料蒐集之後
中午係想試下呢一間米線《火車頭》
大約一點鐘到達長洲碼頭
落船行左幾分鐘就到
始終長洲都唔係大
中午食飯時間
餐廳入座率高達100% Full House !
咁等左20分鐘左右入座
如果唔想等 可以用QR Code 落定單
但只限外賣！
餐廳 主打三種湯底
有 酸辣 / 蕃茄 / 海蜆紫菜湯
三種都好想試 非常掙扎
最後都係按自己最喜愛口味 試一試
就係 酸辣！
食物質素算係唔錯！
酸辣味道唔算太濃烈
米線正常發揮
令人驚喜真係舊 豬軟骨！
豬軟骨有2 大舊
非常厚肉 同時 好軟嫩 唔鞋口
脂肪同軟骨 煮到好淋 入口即融咁
條脷頂都唔使頂！
得！
墨魚春卷 普普通通比較多粉
蝦仔雞翼
主體係炸雞翼 再加上 櫻花蝦同芝麻醬
雞翼炸得脆 同 有汁，唔會太乾太柴
櫻花蝦仔都脆脆地 增加口感
可以的！
1
7
