新肥泉海鮮大排檔

前兩日同朋友去咗街市上面嘅熟食中心食放題

喺街市上面食小炒嘅放題真係第一次！！

小菜菜式選擇多樣化，仲有汽水啤酒都係任飲！！

超級推薦佢地既椒鹽同金沙系列🤤🤤

椒鹽雞軟骨炸到粒粒金黃，非常香口

金沙雞翼，皮脆肉嫩真係好正！！！

和牛牛粒香煎肉嫩，調味剛好✨✨

清湯蘿蔔牛腩就啱曬而家涼涼哋嘅天氣食，湯底帶有微微嘅胡椒香氣，感覺暖胃～

牛腩肥瘦均勻，白蘿蔔清甜無渣

食住鑊氣小炒飲汽水真係好鬼爽

雖然位置喺街市熟食中心，環境衛生尚算乾淨企理，姐姐嘅服務態度都唔錯，可適合一大班朋友或者一家大細嚟食飯❤️