鐵板虎蝦+銀鱈魚，配蕃茄海鮮忌廉醬汁
，虎蝦煎到好香脆，蝦肉身彈牙，再配上三文魚籽及新鮮嘅海草，鮮味十足。
鮑魚拼龍蝦加海苔嘅醬汁，鮑魚好新鮮爽口又彈牙，龍蝦肉肉味香濃，海苔汁令到鮮味更鮮。
鐵板鵝肝多士，面有魚子醬，底配自家嘅黑醋醬汁，鵝肝入口油潤，油脂豐盈，配黑醋汁減低油膩感。
A5和牛薄燒，牛肉嫩滑，油脂夠香，又帶少少酒香，中間香蔥炸蒜，非常惹味。碟邊有香煎野菜，加上南瓜醬，清甜爽口。如果想豐富啲，可以加錢變牛扒厚切。
最後汁物，麵豉香濃。蟹肉炒飯炒得夠香口，米飯粒粒分明，配菜都好口感。
甜品梳乎里雪糕，師傅喺你面前用心製作，加上焦糖爆谷味嘅雪糕，紅豆，開心果脆及糖霜，誠意十足，有酒店嘅水準！
埋單$750一位，而家仲做緊優惠，消費滿$1500，送龍蝦一隻，真係抵上加抵！
