199
14
9
Level3
69
0
呢幢大廈一向都多野食,事隔幾年有啲餐廳都轉左手,之前都食過呢幢既麻辣火鍋、海鮮火鍋,就留意到多左間四川麻辣菜,一睇就知啱口味!所以唔爭在擇日黎試埋呢間!呢度既格局好中式菜館,招牌用毛筆字題字、圓檯、瓷碟茶壺等等,連個名叫做四姐川菜!呢度劃一收費$340一位,按人頭而分配可以叫幾多款涼菜及熱菜,最後仲會炒一碟清菜,越多人就叫到越多菜,我地只得2個人,都可以叫到2款涼菜+3款熱菜,再加一碟清菜,都可以試到好多野!涼菜選擇當中都有好多辣既小食好似唔錯,例如口水雞、夫妻肺片、青椒皮蛋等等,D辣椒既味加紅油應該好正,不過佢好多野都唔食,我地就揀左蒜泥白肉仲有招牌四川涼麵,都好大份呀!見好多檯都叫左呢款四川涼麵,相信應該唔錯,頂部鋪左一堆辣調味醬,加左雪菜、好多蔥、醋等等,拌好後食落味道好開胃!麵屬於幼蛋麵咁既口感,唔會太淋,調味非常襯,麻辣得黎好香口,又有配料既咬口,好抵食!係比較辣既涼菜之一!呢度蒜泥白肉比其他食店用得更多紅油更少蒜泥,但咁樣更增添佢既香氣!白肉唔肥,切得好薄更加吸收到醬汁既味,咪睇佢呢個汁好紅,其實係最唔辣果碟,少少麻香又有D甜甜地,有蒜香亦令到白肉好香口。跟住到3款小菜,雲
Read full review
呢幢大廈一向都多野食,事隔幾年有啲餐廳都轉左手,之前都食過呢幢既麻辣火鍋、海鮮火鍋,就留意到多左間四川麻辣菜,一睇就知啱口味!所以唔爭在擇日黎試埋呢間!

呢度既格局好中式菜館,招牌用毛筆字題字、圓檯、瓷碟茶壺等等,連個名叫做四姐川菜!呢度劃一收費$340一位,按人頭而分配可以叫幾多款涼菜及熱菜,最後仲會炒一碟清菜,越多人就叫到越多菜,我地只得2個人,都可以叫到2款涼菜+3款熱菜,再加一碟清菜,都可以試到好多野!涼菜選擇當中都有好多辣既小食好似唔錯,例如口水雞、夫妻肺片、青椒皮蛋等等,D辣椒既味加紅油應該好正,不過佢好多野都唔食,我地就揀左蒜泥白肉仲有招牌四川涼麵,都好大份呀!

2 views
0 likes
0 comments
100 views
0 likes
0 comments
19 views
0 likes
0 comments
128 views
0 likes
0 comments


見好多檯都叫左呢款四川涼麵,相信應該唔錯,頂部鋪左一堆辣調味醬,加左雪菜、好多蔥、醋等等,拌好後食落味道好開胃!麵屬於幼蛋麵咁既口感,唔會太淋,調味非常襯,麻辣得黎好香口,又有配料既咬口,好抵食!係比較辣既涼菜之一!

招牌四川涼麵
7 views
0 likes
0 comments


呢度蒜泥白肉比其他食店用得更多紅油更少蒜泥,但咁樣更增添佢既香氣!白肉唔肥,切得好薄更加吸收到醬汁既味,咪睇佢呢個汁好紅,其實係最唔辣果碟,少少麻香又有D甜甜地,有蒜香亦令到白肉好香口。

蒜泥白肉
8 views
0 likes
0 comments


跟住到3款小菜,雲雲選擇當中揀左鮑菇炒片片鴨、招牌重慶水煮魚、重慶辣子蝦,其實仲有好多款都想試,事關食辣真係好正!

杏鮑菇炒得好爽,而片片鴨就用左鴨胸走鴨皮,啖啖肉,肉質唔會乾唔會梅,最怕食到鴨胸食梅得太過份,呢個鴨胸你真係感覺食緊鴨肉,炒得少油清新!雖然見到有辣椒但其實唔辣的!

鮑菇炒片片鴨
13 views
0 likes
0 comments


呢個重慶辣子蝦,蝦用油爆過的,連殻都爆至脆身但未至於可以連殻食,非常香口,味亦好香,辣辣地又夠乾身!

重慶辣子蝦
9 views
0 likes
0 comments


之後有主角水煮魚!一見到顏色好靚!似足平時係國內食京川菜既賣相!用既唔係一片片既新鮮魚而是魚柳,因為人地唔識食有骨既魚,魚柳絕對合佢口味!我就鐘意食新鮮魚!辣度相當不錯,麻得幾正,除左芽菜,底仲有寬粉條,索曬汁好夠味!呢個都幾大份!可以再多1-2人share!如果用新鮮草魚或桂花魚就完美喇!香港好少地方搵到咁正宗既水煮魚,辣椒感覺真係用四川黎既,煮出黎既味道都係麻、辣、香俱全!確實有實力!

4 views
0 likes
0 comments
招牌重慶水煮魚
10 views
0 likes
0 comments
4 views
0 likes
0 comments


送既呢碟清菜其實都不可睇少,少油少鹽但吊出菜既清甜,亦顯出廚師根底功夫,呢餐晚飯食得好滿足,食到都係正宗四川小菜味道,如果最後有小小甜品就更好喇!

蒜蓉炒油麥菜
5 views
0 likes
0 comments

(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
Dine In
Spending Per Head
$340 (Dinner)
Recommended Dishes
招牌四川涼麵
蒜泥白肉
鮑菇炒片片鴨
重慶辣子蝦
招牌重慶水煮魚
蒜蓉炒油麥菜