朗豬爸爸小廚 (Moved) New Location

朗豬爸爸呢間街坊茶餐廳，真係好抵食，無論早餐、午餐、下午茶都好鍾意幫襯。今日食下午茶，同之前嘅下午茶餐牌唔同咗，而家係32蚊，有扒餐，再揀多一款小食，同埋飲品。揀咗吉列豬扒，配半份西多，老闆娘講明冇糖漿，用煉奶代替，o唔ok? 梗係ok啦，練奶好食過糖漿，又香甜， 吉列豬扒炸得好靚，又脆，豬扒新鮮爽口。西多裏面仲有花生醬，最鍾意呢種香口嘅口感，鹹鹹哋，再點奶煉，甜甜地，真係港式茶餐廳嘅經典！飲埋杯咖啡，咁就係完美嘅下午茶餐。呢度嘅咖啡，味道夠濃，攞嚟提神好啱。