7E咖喱王

Open Now

Now Closed

其實一直想來尼間7E試咖哩，不過次次都錯過，今次係附近做嘢，係OpenRice 訂位之後過黎。真係名不虛傳，服務友好，咖哩好味，烤餅🥞搭配咖哩正到不得了。今次試左三款咖哩，巴辣羊肉，咖哩牛腩，仲有一款堅果味嘅咖哩羊肉。最鍾意係巴辣咖哩，香料十足，辣到好舒服，食到全身出汗，但係都停唔到口。第二個就咖哩牛腩，有少少甜味，一般人應該都鍾意。烤餅試左兩款，蒜味係最好食，有蒜蓉，脆同埋比較香。第二款係芝士烤餅，都出名，搭配辣咖哩就最正。原本仲想試青花瓜酸奶，不過實在太飽，下次再黎啦！