櫻花蝦龍蝦湯拉麵🌸🦐🍜 一上到黎已經聞到勁濃嘅蝦米香，最特別嘅係個炸藕，雖然上到黎已經浸到湯汁，依然脆卜卜好香口😋 木耳同蝦米份量都唔少， 而且除咗普通蔥之外仲有京蔥！叉燒揀咗肩肉，肥瘦適中夠軟稔😋 成碗麵真係好足料，麵係幼身直麵又幾吸湯，食到一半時覺得湯底有d鹹，除咗呢點其他都好好👌
辛辣豚骨拉麵🍜 湯底豚骨香濃郁，我好鐘意佢地嘅辣椒油嘅香味，好香，好特別🤤 個辣度對於算係食得辣嘅我黎講係比較辣。如果唔點食得辣嘅朋友唔好輕易嘗試，食得辣嘅相信會鍾意
溏心蛋🥚個蛋漿有少少杰身，不熟咗d。因為鍾意食溏心蛋特登叫多一份都係一樣。
炸雞幾好，出邊果陣金黃香脆，入邊雞肉嫩滑。我地叫咗三件炸雞上咗黎係四件，個侍應話師傅見炸雞細舊咗d俾多一件我地☺️
