靚煲皇 (Closed)

有朋自遠方來, 佢想食下香港地道野, 香港人最鍾意打邊爐, 就同佢試下港式邊爐.靚煲皇夠晒地道又有風味, 食物又夠新鮮.好多款特式鍋底, 最後選了高湯雲吞雞鍋, 先飲個湯, 濃郁雞湯味, 雞湯好易好油, 但呢個清甜唔肥膩, 就咁當湯飲都無問題.隻雞夠肥美, 但脂肪唔多, 肉夠滑口, 很鮮既雞肉味. 雲吞皮薄, 但唔會滾滾下自己穿左, 入口好滑, 又夠彈牙. 隻雞食到差唔多開始可以打邊爐, 要左近期大熱既秋葵, 滾完都夠爽口, 好咬口, 唔會有D草青味. 打切肥牛紋里平均, 入口非常彈牙, 肉質嫩口, 而且肉味濃郁, 精心用料.每樣食物都夠新鮮, 所以味道特別出眾, 值得再黎.