Hugo Le Resto Grill (Closed)

位於銅鑼灣中心地帶，有一間樓上西式餐廳。位置唔起眼，但野食嘅水準唔錯而且座位幾舒適。呢度嘅lunch set價錢都好reasonable，除左有各款口味嘅意粉之外，仲有牛扒可以揀。今次地點左兩個lunch set，包半自助沙律吧、餐湯同埋飲品。沙律吧的蔬菜選擇不多但勝在夠新鮮。烘熱左嘅牛油餐包加埋香濃忌廉玉米湯係最perfect嘅配搭。美國頂級牛板腱扒，肉質較西冷牛扒為軟身，牛味十分香濃。牛扒烤得剛好五成熟，中間呈粉紅色肉質粉嫩。薯菜亦絕不馬虎，烤得外脆內軟。意式香草海鮮扁意粉，有煎香左嘅大蝦同三文魚塊，香草醬十分香濃惹味，扁意粉軟硬適中。