另外餐廳自助區有提供少量蔬菜，全部都好新鮮，粟米好甜😋。
🔅安格斯牛小排套餐 ($158)
一個套餐有兩盤牛，一人份啱啱好。牛小排雪花分佈均勻，食落好嫩、一啲都唔鞋👍🏻。
🔅SRF極黑牛前肩肉套餐 ($168)
牛肩肉大大片，唔會太肥，鐘意牛味濃啲推薦揀呢款😎。
🔅爆炒燒酒烏雞鍋 (+$20)
店員會幫忙先炒烏雞，然後加燒酒同湯，配上薑片同杞子，飲落好鮮甜又好補🤣，好有台式養生藥膳既風味。
🔅爆炒櫻花蝦鮮鍋 (+$12)
店員一炒櫻花蝦已經聞到勁香😍，加上一片牛肩肉開鑊，然後倒上湯，等湯滾可以飲少少再打邊爐。湯底飲落好清甜，好香櫻花蝦味，又唔會好濃👍🏻。
🔅懷念鹽酥雞 (+$22)
鹽酥雞炸得好嫩，外層香脆唔厚粉👍🏻，熱辣辣食好正！
🔅夜市炸魷魚 (+$28)
魷魚有咬口唔韌，炸得啱啱好😍。
🔅招牌麻油炸蛋 (+$15)
麻油味好香，按店員建議將炸蛋放落湯20秒左右就食得，吸左湯底更好味😋。篤爆隻蛋用蛋汁黎撈米粉都好正。
🔅珍珠翡翠檸檬 (+$14)
珍珠口感偏腍，飲落酸酸地好開胃😝。
🔅真心橙意翡翠 (+$14)
呢個酸甜甜，有少少椰果有咬口又無咁邪惡，唔錯唔錯😋。
💬食物幾高質，環境又唔錯，bar枱都坐得舒服😚。有肉有菜、仲有麵、小食同飲品，最後每人仲有一條雪條，飽到捧住個肚走😌。
