主打台灣石頭火鍋 一人一鍋
餐廳以復活節島石像為主題 好得意😆
入座之後可以用QR code落單
☝🏻首先揀主食 有素菜、雞肉、豬肉、海鮮、多款牛肉可以選擇
✌🏻之後就睇下套餐想跟白米飯、寬粉、定係新竹米粉
👌🏻最後就選擇鍋底
覺得唔夠喉嘅話 可以追加小食同飲品
餐廳仲設有自助區 可以自己調整醬料同任食蔬菜😆
🥩SRF極黑牛前肩肉套餐 ($158)
🥘爆炒燒酒烏雞鍋 (+$20)
店員會先將烏雞稍微炒香
再落酒同點火🔥 非常打卡able！📸
燒完之後 店員會倒入湯底做番火鍋
烏雞件嘅份量都唔少 而且湯底仲留有少少酒香👍🏻
前肩肉顏色較為深紅 雪花唔太多
食落肉質軟扎實 肉味濃郁😋
每一個套餐仲會跟一籃配菜
入面有：響鈴、蕃茄、冬菇、芋頭、芋頭貢丸、豆腐、蟹柳、蜆
真係好豐富😍
🥩安格斯牛小排套餐 ($158)
🥘夜市養生排骨鍋 (+$20)
一上菜已經聞到好香嘅藥材味🥰
入面仲有大大條排骨 肉質軟淋 夠哂入味👍🏻
牛小排雪花好靚 油脂分佈均勻
食落肉質軟嫰 帶點脂香😋
🍴招牌麻油炸蛋 ($15)
放入湯底煮一陣就食得
炸蛋白嘅部分會吸哂d湯汁 蛋黃仲係流心
真心正 必點！❤️
🍴手工松露海鮮丸 ($32)
彈牙得黎有好香嘅松露味👌🏻
🧋蘋果醋QQ冰紅茶 (跟餐+$14)
🧋珍珠翡翠檸檬 (跟餐+$14)
推薦蘋果醋QQ冰紅茶！
酸酸甜甜 解膩又開胃🥰
食完之後仲有迷你脆皮雪糕批做甜品☺️
牛大人出品果然質素都有保證😆
我覺得呢間石頭火鍋性價比幾高
食物質素唔錯 服務亦周到有禮
當晚都好full 大家有興趣就記得要book定位啦😉
