Read full review
2017-08-30
448 views
食過鉄人旨花嘅omakase覺得唔錯，呢次就嚟試試佢哋嘅鐵板燒。同上次嚟相比，環境無大改變，都係分咗omakase同鐵板燒兩個區域，另外仲有啲獨立房。日式鐵板燒係食客圍住半圓形鐵板燒檯而坐，師傅就企晌另一邊中間位烹調食物。我覺得食omakase同鐵板燒，除咗享受美食之外，欣賞師傅處理食物嘅過程亦係重點之一。所以除非同行人數比較多或其他原因，如果唔係坐壽司吧或鐵板燒檯真係會開心啲。當晚有幾款套餐，我哋就揀咗伊勢海老鐵板燒二人前。兩款前菜，都幾開胃。然後，師傅就即席烹調銀鱈魚，佢先將銀鱈魚同櫻花葉兩面煎香，淋咗西京味噌醬後就用火槍燒呀燒，場面都幾壯觀。煎過嘅櫻花葉薄脆又有少少鹹味，幾得意。上面啲玫瑰乾花瓣傳嚟陣陣花香，除咗有點綴作用之外，同魚肉一齊食就更顯清新。海膽汁煮龍蝦，師傅將原隻龍蝦放晌鐵板上。稍為煎一下之後，師傅就將龍蝦肉同龍蝦殻分開處理，同時炒勻牛油同海膽，最後將兩者炒勻。龍蝦煮得啱啱好，感覺唔錯。A5日本產和牛，師傅話呢個係宮崎牛肉嚟，肉味會比較重。煮好之後，連擺盤都一絲不苟。我哋揀咗五成熟，肉質軟嫩。師傅仲特登將靠邊嘅位置切開分開嚟煎，出嚟嘅效果微焦香脆，一份和牛有兩種唔同口
食過鉄人旨花嘅omakase覺得唔錯，呢次就嚟試試佢哋嘅鐵板燒。同上次嚟相比，環境無大改變，都係分咗omakase同鐵板燒兩個區域，另外仲有啲獨立房。
日式鐵板燒係食客圍住半圓形鐵板燒檯而坐，師傅就企晌另一邊中間位烹調食物。我覺得食omakase同鐵板燒，除咗享受美食之外，欣賞師傅處理食物嘅過程亦係重點之一。所以除非同行人數比較多或其他原因，如果唔係坐壽司吧或鐵板燒檯真係會開心啲。
當晚有幾款套餐，我哋就揀咗伊勢海老鐵板燒二人前。
兩款前菜，都幾開胃。
銀鱈魚
14 views
0 likes
0 comments
然後，師傅就即席烹調銀鱈魚，佢先將銀鱈魚同櫻花葉兩面煎香，淋咗西京味噌醬後就用火槍燒呀燒，場面都幾壯觀。
銀鱈魚
13 views
0 likes
0 comments
煎過嘅櫻花葉薄脆又有少少鹹味，幾得意。上面啲玫瑰乾花瓣傳嚟陣陣花香，除咗有點綴作用之外，同魚肉一齊食就更顯清新。
海膽汁煮龍蝦，師傅將原隻龍蝦放晌鐵板上。
稍為煎一下之後，師傅就將龍蝦肉同龍蝦殻分開處理，同時炒勻牛油同海膽，最後將兩者炒勻。
龍蝦煮得啱啱好，感覺唔錯。
A5日本產和牛
10 views
0 likes
0 comments
A5日本產和牛，師傅話呢個係宮崎牛肉嚟，肉味會比較重。
A5日本產和牛
8 views
0 likes
0 comments
煮好之後，連擺盤都一絲不苟。
A5日本產和牛
17 views
0 likes
0 comments
我哋揀咗五成熟，肉質軟嫩。師傅仲特登將靠邊嘅位置切開分開嚟煎，出嚟嘅效果微焦香脆，一份和牛有兩種唔同口感。食完和牛再食食燒過嘅大啡菇、青椒仔同番茄，啱啱好可以中和一下。
炒飯，師傅先將蛋打晌鐵板上，同埋米飯一齊炒，同時晌另一邊炒其他配料，炒咗一陣之後就將佢哋炒埋一齊。
之後，加埋蔥花略炒就完成。
白魚湯，湯色奶白有魚香，入面仲有少少切粒豆腐同蔥花。
嚟到甜品環節，當晚係番薯豆腐雪糕，表面有唔少番薯粒粒，口感軟糯，豆腐雪糕就清清甜甜。
一邊食嘢一邊睇住師傅晌我哋面前烹調食物再細心裝飾，呢啲就係食鐵板燒嘅樂趣嚟喇！
（附上影片，openrice要電腦桌面版先可以睇到）
Post
