Munchies (新中環大廈) (Moved) New Location

久唔久都會口痕想食漢堡，今日黎開中環，好友介紹我去Munchies。小店多達八款雞肉漢堡包供選擇，大廚由英國星級餐廳回流，醬汁全部自家研制!所有果汁均選用時令水果，卡路里只有50-70克，原材料來自US California，環保、新鮮又健康!叫左兩個Combo B HK$98有齊雞肉漢堡包+ Waffle Fries + 飲品蜜糖檸檬雞肉漢堡雞扒香脆嫩滑多肉汁，配以蜜糖檸檬醬汁，清新甜蜜，夾雜青瓜、生菜絲有助解膩，漢堡包鬆軟充滿牛油香，正。蜜糖芥辣雞肉漢堡金黃色雞扒香脆惹味，咬落軟嫩多汁夠哂香滑，自家研製蜜糖芥辣醬特別香濃，配以新鮮生菜、酸瓜等，惹味得黎又幾健康，勁夾!薯格即叫即炸，熱辣辣，薯香十足，炸至金黃色厚切薯格香脆惹味，份量超多，食完真係勁滿足~蝶豆花荔枝配氣泡水賣相吸引，荔枝味道突出，蝶豆花清甜健康，配氣泡水，味道清爽俐落。金菊龍珠果配桂花烏龍茶酸酸甜甜龍珠果，配鮮香醇冽桂花烏龍茶，夾雜果香，夠哂清新。