Video
Read full review
2017-06-14
180 views
今日女朋友嚟接我放工，咁啱見到新裝修完成嘅 翡翠拉麵小籠包。作為一個鐘意澱粉質嘅男孩，當然要來朝聖一下啦。因為新開無耐，所以呢喺門口等咗45分鐘。新裝修嘅翡翠拉麵小籠包，室內環境以白色同金色做主題，非常光猛，富有現代感，感覺非常創新。一坐低侍應哥哥，就問我哋飲咩茶，二話不說就揀咗烏龍。翡翠拉麵小籠包賣川滬菜就喺人都知原來喺1997年開業，曾經攞過法國米芝蓮獎項就真係唔講唔知喎！而且重新開業之後，仲加咗幾款新嘅菜式，當然要試試啦！三色水餃 $30三色水餃當然以顏色嚟分味道。當中包括泡菜鮮肉、四季豆鮮肉同芝士鮮肉。嘩！真係好多鮮肉，全部都係小鮮肉！紅色嘅水餃當然係泡菜鮮肉餃，係有少少辣味，但個辣味只喺用嚟調味，食唔到有泡菜味。黃色嘅水餃應該係芝士鮮肉餃，個芝士味都幾出吓，值得推介。綠色嘅四季豆鮮肉餃，味道就普普通通，冇乜深刻印象。四式小籠包 $68呢個四色小籠包喺2013年攞過旅遊發展局最高榮譽金獎。不過其中兩隻口味咪又喺水餃嗰兩隻味。不過紅色嘅小籠包喺麻辣牛肉小籠包，辣味比較突出，但牛肉味欠奉。黑色嘅黑松露小籠包，味道令人深刻。黑松露獨特嘅清香令人回味無窮。淨低綠色嘅四季豆鮮肉、黃色嘅芝
因為新開無耐，所以呢喺門口等咗45分鐘。新裝修嘅翡翠拉麵小籠包，室內環境以白色同金色做主題，非常光猛，富有現代感，感覺非常創新。
一坐低侍應哥哥，就問我哋飲咩茶，二話不說就揀咗烏龍。
翡翠拉麵小籠包賣川滬菜就喺人都知原來喺1997年開業，曾經攞過法國米芝蓮獎項就真係唔講唔知喎！而且重新開業之後，仲加咗幾款新嘅菜式，當然要試試啦！
三式水餃
100 views
0 likes
0 comments
三色水餃當然以顏色嚟分味道。當中包括泡菜鮮肉、四季豆鮮肉同芝士鮮肉。嘩！真係好多鮮肉，全部都係小鮮肉！
紅色嘅水餃當然係泡菜鮮肉餃，係有少少辣味，但個辣味只喺用嚟調味，食唔到有泡菜味。
黃色嘅水餃應該係芝士鮮肉餃，個芝士味都幾出吓，值得推介。
綠色嘅四季豆鮮肉餃，味道就普普通通，冇乜深刻印象。
四式小籠包
63 views
0 likes
0 comments
呢個四色小籠包喺2013年攞過旅遊發展局
最高榮譽金獎。不過其中兩隻口味咪又喺水餃嗰兩隻味。
不過紅色嘅小籠包喺麻辣牛肉小籠包，辣味比較突出，但牛肉味欠奉。
黑色嘅黑松露小籠包，味道令人深刻。黑松露獨特嘅清香令人回味無窮。
淨低綠色嘅四季豆鮮肉、黃色嘅芝士鮮肉就唔再重複講！
鯊魚骨湯海鮮拉麵
53 views
0 likes
0 comments
呢個鯊魚骨湯海鮮拉麵，每次都喺我嘅首選嘅拉麵，而且仲有八款手工拉麵可以選擇，我就選擇咗三角拉麵。
一上枱呢就見到一層薄薄嘅膠質，湯底呈奶白色，可見用料十足。當中包括海參、蝦、魚肉同小棠菜，不過份量就少咗啲囉！
總括嚟講味道非常清新三角麵掛湯之餘，又爽口彈牙有口感。德福商場重開返翡翠拉麵小籠包實在喺明智之選。之前嘅小南國雖然都係賣京川滬菜，但相比之下，翡翠拉麵小籠包就好食好多。
Post
