Read full review
2019-12-22
866 views
今日同女朋友行過決定試下金城茶餐廳嘅豬排同肉餅飯。老牌茶餐廳格局,幫襯嘅都係街坊。我見到佢個menu寫左豬扒稱王,內餅稱霸,寫都咁大,應該都對自己出品好有信心啦。我就係鐘意呢種串串地嘅風格。我地叫左一個肉餅飯同一個椒鹽豬排飯。佢個肉餅係煎出黎個種,好香口,裏面有加馬蹄所以有少少爽口。第一眼望到咁大舊都有點驚訝。呢種肉餅可以話係港式漢堡扒,絕對比得上鬼佬漢堡。其實佢地都有賣肉餅包,望到隔離枱有叫,份量十足,下午茶可以一試。豬扒方面,佢唔係煎到好乾身好辣個種,反而係有少少甜。好入味又唔會難咬。佢地仲有菜脯,重口味嘅朋友可以加,辣度十足。我叫左杯熱奶茶,老式茶餐廳,有水凖。一個飯五十六,仲要唔跟野飲。野飲唔記得係加九蚊定八蚊。佢對自己出品有信心,收貴少少都有佢理由嘅,食完都好滿意。經過大圍可以試下。完
老牌茶餐廳格局,幫襯嘅都係街坊。
我見到佢個menu寫左豬扒稱王,內餅稱霸,寫都咁大,應該都對自己出品好有信心啦。我就係鐘意呢種串串地嘅風格。
我地叫左一個肉餅飯同一個椒鹽豬排飯。
佢個肉餅係煎出黎個種,好香口,裏面有加馬蹄所以有少少爽口。第一眼望到咁大舊都有點驚訝。呢種肉餅可以話係港式漢堡扒,絕對比得上鬼佬漢堡。其實佢地都有賣肉餅包,望到隔離枱有叫,份量十足,下午茶可以一試。
豬扒方面,佢唔係煎到好乾身好辣個種,反而係有少少甜。好入味又唔會難咬。 佢地仲有菜脯,重口味嘅朋友可以加,辣度十足。
我叫左杯熱奶茶,老式茶餐廳,有水凖。
一個飯五十六,仲要唔跟野飲。野飲唔記得係加九蚊定八蚊。佢對自己出品有信心,收貴少少都有佢理由嘅,食完都好滿意。經過大圍可以試下。
完
Other Info. :
員工有禮貌,望落大多老伙記。成間店個氣氛都係好輕鬆。
白飯俾好多,食量細嘅朋友可以叫少飯。
(The above review is the personal opinion of a user which does not represent OpenRice's point of view.)
Post