Kuni Kuni Cafe Lounge

呢間餐廳嘅set lunch真係超值，喺Airside返工嘅我終於搵到間平少少嘅餐廳，唔使幫襯麥記又或者行去新蒲崗先至有平少少嘅lunch食到。

1

我就揀咗石燒紐西蘭肉眼扒，$118，肉眼扒有八安士，份量足，肉質都唔錯，佢仲有一個係高級美國肉眼扒，都係石燒嘅，不過嗰個就要$188，我試咗呢個平民版，覺得真係抵食。侍應仲好細心提供一次性圍裙，等啲油唔會彈到件衫。

飲品就試咗鴨屎香檸檬茶，超級大杯，佢係用啤酒杯裝嘅，味道都唔錯，值回票價。

33

呢間新開嘅餐廳裝修都幾靚，幾好坐，lunch最平$60，對於我哋呢啲低級打工仔嚟講絕對係喜訊。