今日入元朗剪頭髮，剪完啱啱好係中午時間就順便喺元朗食埋午飯先返出九龍，又再次食我最鍾意元朗食店之一嘅「時時食」之前食過兩次花膠鹹雞配米粉，今次想試吓口水雞配米粉，老闆娘出來招呼我及落單態度親切，等咗一陣送上一碗熱辣辣嘅湯米另外配上一見到都流口水嘅口水雞，上面仲配有幾粒脆卜卜嘅花生，先來飲一啖湯，有香濃嘅鮮雞味，啲雞嘅份量都算多，最特別係佢嘅醬汁唔似其他食店，佢哋辣味好有層次，加埋啲蒜頭同埋芫荽係好特別嘅香辣，如果下次再嚟，我想試吓其他食物。
以上食評乃用戶個人意見 , 並不代表OpenRice之觀點。
讚好
推介美食
口水雞湯米粉
$61
用餐途徑
Dine In
