皮蛋豆腐
涼拌皮蛋豆腐岩哂而家熱辣辣嘅天氣食，開胃又消暑，豆腐有好濃郁嘅豆味，加埋皮蛋，味道豐富又好味!
擔擔麵配香炸雞扒
雞扒係即叫即炸，擔擔麵有香濃嘅花生味，食慾大增~ 入口仲有微微香辣味，而麵質好滑好順口。配上香炸雞扒真係一絕，我就鍾意啲雞扒浸上擔擔麵湯底，惹味十足，所以話擔擔麵係必食架~
左宗棠雞
食落會有少少辣，加埋鹹鹹甜甜，味道層次非常豐富，呢道菜送飯一流!!! 雞球香炸後再上醬汁，雞球KEEP住肉質嫩滑，極多肉汁。
珍珠奶茶同凍豆漿
我就叫左杯熱珍珠奶茶，好滑好香茶味，珍珠軟淋淋，好煙韌，味道唔會好甜，好易入口好順滑。
食到好飽好滿足，每款都好好食，下次再帶朋友黎食先~
