簡左人氣酸種麵包店試吓先
去到就覺得鋪面設計好舒服
湖水綠色再配搭開放式設計所以個感覺都幾開揚
一入去就比林林總總既酸種麵包同cake 吸引啦🍰🎂🥖🥨🥐
玻璃櫥窗可以一眼睇晒所有款式
睇到口水都流晒呀🤤
因為係夜晚去嘅關係所以都要食飽啲
我就揀咗兩款主菜同兩款甜品
連同兩杯嘢飲同crisps 小食
小食Sour dough Crisps
真係幾有新鮮感因為我都係第一次食用sourdough 整既脆片
而且真係切到好薄所以炸出嚟完全係透光
非常脆口會忍唔住係咁食停唔到口
有少少調味就好啱食主菜之前食下
主菜簡左2款都係新出嘅
Smoked Salmon on Sour Dough
SourDough 上搽咗酸忌廉然後鋪滿左煙三文魚
煙三文魚分量十足😋
食落去麵包口感煙煙韌韌而個包邊就脆脆地幾好味
仲可以加埋碟邊嘅原味乳酪提升層次
而沙律就有沙律菜車厘茄同埋櫻桃蘿蔔
所以夾埋三文魚SourDough食就好清新
Sour Dough Croque Monsieur w/ Rucola salad
SourDough夾住法式火腿sandwich 上面仲鋪滿溶溶地既 Cheddar cheese
望到已經覺得分量十足要擘大個口先咬到啊🤣
一食落去就覺得包邊好脆口而包入面軟硬適中
夾住鹹鹹地嘅火腿好惹味
最正嘅就梗係有埋芝士既加乘💯
完全係我嘅dream sandwich🥪
再加上芝麻菜沙律就可以解下油膩感
食多幾舊都唔會滯
飲品就簡左 Hojicha Latte 同 Chai Latte ☕️
個拉花拉得好靚心情都好啲
飲落有茶香可解膩
焙茶味道都好香同順滑
食完主菜就到我最期待既甜品啦
Sour Dough Milie Feuille w/ Tahiti Vanilla Cream
輕輕切開用sourdough 整既酥皮連同雲呢拿忌廉點上覆盆子醬
口感同味道都💯
忌廉食落唔會好heavy而係好輕盈仲好幼滑
酥皮就算我慢慢食完個主菜之後先食佢都唔會變淋👍🏻
仲有士多啤梨嘅果肉夾埋一齊酸酸地好好味
Chestnut Mont Blanc
一見到呢個栗子山就已經流晒口水🌰🌰🌰
上邊仲鋪滿左蛋白霜脆糖
賣相好靚呢
切開之後入面有紅莓果醬同忌廉個底仲有蛋白霜餅
所以都幾多層次㗎
食落唔會太甜而且仲有栗子味再配酸酸地嘅紅
莓果醬
可以呢一餐作完美的句號🥰
