呢度原來就係一個大商場，部份劃成開放式的廚房，咖啡counter，其餘嘅地方就set 左係sitting area , 當中有榻榻米的座位區、有廂房般的咖啡枱，大party 的長餐枱，全部可以自由拼合，總有一款啱你們。
成個場佈局好清新，食品係輕怡嘅西餐為主，沙律、甜品、飲品選擇亦多，餐廳特色是冇服務，購票取餐全部由顧客自理，用餐後嘅食具亦鼓勵食客自行收拾，分門別類的放進待處理的餐車。
餐廳另一主題是你可以一邊用餐，一邊選購埸內的創意明信片，此刻你想着誰，你還可以寫上你的心意經餐廳代寄，真係好正。
在休閒的環境下，食下餐，嘆吓茶，閱讀，閑聊非常寫意，何況食物也很出眾。
牛角麵包非常非常鬆脆，牛油味香濃，煙肉咸香、配沙律菜滑蛋、解膩又飽肚、還有德國肉腸，脆皮肥美，整體味道不錯呢👍👍👍
白汁忌廉不算太重手，整體感覺比較輕怡，成牒意粉沒有太多材料，大量洋蔥碎帶出天然甜味，配合切片的蘑菇及香腸，簡簡單單已經很好味。
曖昧係藝名
同飲品內容完全無關，事實佢係一杯士多啤梨、藍莓的乳酪沙冰，鮮果入口，冰涼清新，好味又有益
小確幸是士多啤梨加香蕉的乳酪沙冰，除了有士多啤梨的香甜，香蕉飽肚質感有點像奶昔
除了鮮果smoothie , 點會少得咖啡，還有多款特色花茶。餐廳自由閒適不設限時，美美的飲品，伴着你睇吓書，傾吓計，可以優哉游哉地慢慢嘆
餐廳穿插着一些小攤檔，甚有跳蚤市場的感覺，而且還定期舉辦文青活動，這個咁有Gimmick嘅香港郵意餐廳, 我like 👍
