香港仔魚蛋粉 (Moved) New Location

今日放工出黎尖沙咀買少少野，買完都成八點🕗就求其響附近食d野先返屋企，最鐘意食粉麵嘅我，行行下見到附近有我至愛嘅譚仔喎😋不過成日都食，雖然唔會厭，但無理由出到黎都要食譚仔🤣再望下，咦，對面有間香港仔魚蛋粉喎，佢好似出名湯底用魚湯而且不加味精，一於去食先！黎到香港仔魚蛋粉店，梗係試下佢個招牌魚蛋粉啦，我要左米粉，一黎到，好大喎，個碗！可能佢出名魚湯🐟所以比左好多湯，米粉相對得好少，魚片及魚蛋各三舊，試下個湯先，嗯，我相信係無落味精，因為一d味都無，咁我落d辣椒🌶️油，魚片魚蛋係一般般，米粉真係食左幾啖已經無乜🤦🏻‍♀️，而且比較碎，機本上食完只覺六成飽，如果係男士黎食應該食兩碗都未必夠🤷🏻‍♀️。尖沙咀應該有更多更好嘅選擇⭐️，我下次未必會再來了🙊。