Video
Read full review
2011-03-08
6 views
呢輪套電視劇日日都講Sushi, 真係睇見都流口水, 今日去開朗豪坊咪試下.話說之前都聽講過呢間野係吳生有份開, 人地人氣都值廣告錢啦, D食物唔會唔係賺你錢吧!? 但我之前見佢menu多元化都幾吸引呀, 不過有次想去食, 不可電話訂位, 攞飛起碼等30個, 所以走咗, 今次夜晚6.15就到咗, 不過男友未到, reception姐姐話要1.5小時交枱...唔入去又怕之後無位...(不過話時話, reception姐姐真係麻麻地, 其實佢哋無訂位留座, 按道理大家攞飛排隊等入去, 佢既工作應該已經簡化不少, 但佢答客人問題既態度真係需要改善, 無尾音得離仲唔想你入去咁...唉...)今日被安排到外面天幕度坐, 開頭覺得會被冷落, 但原來有位哥哥仔專門負責, 佢都算唔錯, 加水收碟都頻密, 7.40走果陣出面已經坐滿客人兼大排長龍, 很嘈, 相對天幕環境實在寧靜, 我覺得想傾計既朋友可以選擇外面坐呀~講返我第一次食 Monster sushi的經驗, 整體壽司唔算大件, 但賣相討好, 記得我們點了 三文魚壽司 ; 唔算特別肥美, 較一般 希靈魚壽司 ; 而家唔係度度有得食, 有得叫質數唔
呢輪套電視劇日日都講Sushi, 真係睇見都流口水, 今日去開朗豪坊咪試下.
話說之前都聽講過呢間野係吳生有份開, 人地人氣都值廣告錢啦, D食物唔會唔係賺你錢吧!? 但我之前見佢menu多元化都幾吸引呀, 不過有次想去食, 不可電話訂位, 攞飛起碼等30個, 所以走咗, 今次夜晚6.15就到咗, 不過男友未到, reception姐姐話要1.5小時交枱...唔入去又怕之後無位...
(不過話時話, reception姐姐真係麻麻地, 其實佢哋無訂位留座, 按道理大家攞飛排隊等入去, 佢既工作應該已經簡化不少, 但佢答客人問題既態度真係需要改善, 無尾音得離仲唔想你入去咁...唉...)
今日被安排到外面天幕度坐, 開頭覺得會被冷落, 但原來有位哥哥仔專門負責, 佢都算唔錯, 加水收碟都頻密, 7.40走果陣出面已經坐滿客人兼大排長龍, 很嘈, 相對天幕環境實在寧靜, 我覺得想傾計既朋友可以選擇外面坐呀~
講返我第一次食 Monster sushi的經驗, 整體壽司唔算大件, 但賣相討好, 記得我們點了
三文魚壽司 ; 唔算特別肥美, 較一般
希靈魚壽司 ; 而家唔係度度有得食, 有得叫質數唔錯, 有時食到其他澀澀的, 這裡旳沒有
玉子壽司 ; 即叫既做, 其實有玉子鰻魚, 玉子蟹等等, 但這個最基本的很不錯啊! 微溫甜甜不硬咬落又一層層, $12 三件, 抵叫啦!
炸帆立貝海膽軍艦 ; 帆立貝大大件, 由於是熟了, 感覺有點靱, 海膽見到但食唔出, 炸過麻麻地
北寄貝壽司 ; 北寄貝切雙飛, 感覺大大件又夠新鮮, 上面舖了小小酸梅, 幾開胃, 唔錯
蟹棒壽司 ; 無乜特別, 幾鮮甜
油甘魚腩壽司 ; 好一般, 唔似魚腩, 似普通油甘魚
豆子炸軟殼蟹卷 ; 青綠色的就是豆子? 唔係好知係咩但幾特別, 唔洗成日食紫菜嘛, 香口好味
黃金炸蠔 ; 芝士香濃, 檸檬汁好似過多以至偏酸, 亦不夠熱.
網走鮑魚龍蝦沙律壽司 ; 限定季節推介, $39一件, 但有點失望, 細件, 鮑魚不特別, 幾樣食材混在一起沒有extra味道反而唔多夾咁.
另外叫了一杯巨峰玫瑰龍眼蜜及 house white, Santa Carolina Reserva Sauvignon Blanc 2009,
前者甜甜的再飄來淡淡玫瑰香, 很易入口, 我鍾意呀
house wine 清甜唔dry唔嗆鼻, 我覺得配壽司好得喎!
不過壽司都上得幾慢, 又逐個逐個來, 食下等下唔係咁暢快~~
好滿足又甜蜜的一餐
Post
