壽星女想食日式燒肉
朋友就提議咗呢一間
餐廳位置方便一出港鐵站5分鐘就到
環境都坐得好舒服
提供咗圍裙，每位客人會有自己嘅檸檬同醬汁
食物可以散叫，餐廳亦有提供幾款拼盤選擇
我哋嗌咗三款拼盤，再散叫多一份牛舌同豚肉
仲有兩款焙烤蔬菜雜菌
⬇️焙烤燒雜菌
第一碟上枱就係佢熱辣辣，香噴噴
每舊菇都好入味，我哋秒清㗎🤪
⬇️特選日本產和牛肉眼&高級燒肉拼盤
拼盤有：日本產和牛肉眼、和牛上牛排肉🥩、和牛牛排肉、壺漬牛胸外腹、牛舌👅
和牛油脂分布均勻，肉質嫩滑
壺漬牛胸外腹嘅醃料都唔會搶咗啲牛味👍🏻
⬇️牛舌（鹽燒）
1
牛舌爽口彈牙，食落唔會太多脂肪感
雖然唔係厚切嗰款，不過都好有口感
⬇️海鮮拼盤
拼盤有鱈場蟹腳🦀、蝦🦐、鮑魚、帶子、魷魚🦑
兩隻蝦大大隻，蝦頭好多蝦膏🤤
帶子、鮑魚、魷魚新鮮爽口
我哋六個人一齊分兩隻鱈場蟹腳
所以只係食到少少，唔係好夠喉🤪
⬇️豚肉&雞肉拼盤
有日本產厚切豚腩肉、日本產豚肉眼、豚肩眼、豚頸肉、雞腿肉🍗
雖然豚肉嘅脂肪比較多但食落都唔會覺得好肥
雞腿肉都好滑，燒過之後減少雞皮嘅油膩感
總括嚟講，餐廳環境都好舒適👍🏻
燒肉嘅質素有保證，當然價錢都唔算平
如果要慶祝特別日子，嚟食吓嘢都無妨🤭
