Video
Read full review
2018-11-30
384 views
上次去LCX係睇we bare bears展覽，再上次係黎購物，對我而言，LCX從來同食物打不上任何關係。今次機緣巧合之下，俾我發現到LCX有一間新派韓式餐廳，菜式有別一般傳統派系，吸引左我同女朋友，重拾對韓式料理嘅熱愛。可能六點左右兼好彩，俾我哋坐到近窗邊嘅位，可以一覽整個維港海景，係今餐嘅好開始埋下伏筆。餐廳嘅裝修偏向工業風，燈光較幽暗，樓頂吊燈亦非常有藝術感。叫菜之後職員好快就獻上六款特調醬，分別有柚子醬，擔擔醬，士多啤梨韓式辣醬，青檸蜜糖醬，黑糖梅子醬同菠蘿椰香醬。每一款具有特色，梗有一款款啱你口味，我自己就覺得擔擔醬同柚子醬最夾。不過佢呈上醬既方式有啲頹。雞件的確脆卜卜，原來餐廳嘅雞件用牛奶醃過，所以特別香脆。羽衣甘藍煎餅係今餐最驚喜嘅菜式，平時食羽衣甘藍都係食沙律既時侯，但將羽衣甘藍整成煎餅真係聞所未聞，但食落的確與眾不同，沒有油膩感，配料有洋蔥椰菜等等，口感非常清新。煎餅仲會附上特製醬汁，酸酸甜甜，都幾開胃！就算我唔係素食者都非常鍾意呢個煎餅。香港到11月都仲係鬼死咁熱，所以叫咗個韓烤牛肉冷麵配豬骨汁，營造一下冬天感覺。而佢上菜嘅時候的確煙霧離漫，具有視覺享受。味道亦係一
可能六點左右兼好彩，俾我哋坐到近窗邊嘅位，可以一覽整個維港海景，係今餐嘅好開始埋下伏筆。
餐廳嘅裝修偏向工業風，燈光較幽暗，樓頂吊燈亦非常有藝術感。
叫菜之後職員好快就獻上六款特調醬，分別有柚子醬，擔擔醬，士多啤梨韓式辣醬，青檸蜜糖醬，黑糖梅子醬同菠蘿椰香醬。每一款具有特色，梗有一款款啱你口味，我自己就覺得擔擔醬同柚子醬最夾。不過佢呈上醬既方式有啲頹。
雞件的確脆卜卜，原來餐廳嘅雞件用牛奶醃過，所以特別香脆。
混醬炸雞
25 views
0 likes
0 comments
羽衣甘藍煎餅係今餐最驚喜嘅菜式，平時食羽衣甘藍都係食沙律既時侯，但將羽衣甘藍整成煎餅真係聞所未聞，但食落的確與眾不同，沒有油膩感，配料有洋蔥椰菜等等，口感非常清新。煎餅仲會附上特製醬汁，酸酸甜甜，都幾開胃！就算我唔係素食者都非常鍾意呢個煎餅。
羽衣甘藍煎餅
27 views
0 likes
0 comments
香港到11月都仲係鬼死咁熱，所以叫咗個韓烤牛肉冷麵配豬骨汁，營造一下冬天感覺。而佢上菜嘅時候的確煙霧離漫，具有視覺享受。味道亦係一流，分量亦唔會太少，豬骨汁落多啲更加入味。
韓烤牛肉手拉冷麵
15 views
0 likes
0 comments
淨係一個冷麵點夠營造冬天感覺，所以我哋叫咗杯signature drink，冰桶能夠保持清爽口感，藍莓口味亦非常鮮甜，簡直係涼透心！
原來LCX唔係得展覽同購物，仲有一流嘅食物，希望下次黎既時候仲可以坐海景位，一路望住維港海景，一路食住羽衣甘藍煎餅。
Post
