榮發茶餐廳

Open Now

Now Closed

今日出左去上堂，番到上水已經12點。上水可以揀嘅消夜唔多，來來去去都係個幾間，今日心血來潮揀左間最就腳嘅食店，上水榮發。宜間野位於上水廣場樓下，好近車站。我好耐都幫襯，一入到去，一般舊色茶餐廳嘅裝修，環境衛生非常一般。小弟餓到就來暈低，叫左碗牛腩雲吞河同一碟叉燒腸。碗河一到，賣相非常唔，幾吸引。湯夠濃，料夠多，份量都好足。牛腩切得有d細舊，但係就好入味。唯一係d河粉可能煮左好耐，一夾就散，好碎。雲吞方面我就覺得唔太新鮮，但仲可以接受。成碗野如果可以多幾條菜就更加好。叉燒腸我就唔建議家叫。因為一食就知擺左好耐，又凍又硬3條18蚊非常唔抵食。可以嘅話建議叫其他野食。成間野環境唔算乾淨，不過茶餐廳唔好要求咁多餓，侍應態度亦都唔算討好。唯一可取嘅係佢係小數係上水24小時營業嘅餐廳。夜番或者同朋友食老宵嘅話都可以一試嘅，不過就有小小貴咁啦。