Read full review
2016-06-28
6409 views
只有文字，沒有相片。掙扎咗一段時間，諗緊好唔好寫呢個食評(因為比喊)話哂呢度曾經係我喜歡食中菜的地方，經常來飲茶亦食過多次晚飯。屈指一算，晚飯對上一次應該約兩三個月前左右。今次媽媽生日，佢貪方便又唔想煩，提議來返呢度食餐飯。今次其實都係ORDER 返平時食開嘅菜式，先發現唔知做乜鬼退步神速。長話短說，以下是各方面的summary:小洋甘菊茶: 飲咗一啖，發生乜嘢事? 再聞下有陣押押地的怪味，即時叫其他人飲下睇下係唔係自己問題，佢地都同意有啲怪味，於是即叫換返正常中國茶比我地。(本來佢仲想話啲味係咁，但我地強調飲過多次好明顯唔係咁既味，最後佢都幫我地cancel)焗響螺: 以前食過幾次。今次一放低已發覺size縮哂水。釀落去既螺殼由以前螺「爸爸」變咗螺「仔仔」。釀的螺蓉仲要係兩三啖（用佢的小茶匙仔）食完！個螺殻都細啦，佢仲要塞咗舊西蘭花喺入面，基本上啲螺蓉係薄薄咁抺咗少少喺個面到而已。差！差！差！其他啲小菜有素鵝，帶子兩食（炸同炒）等。味道正常，但都係一樣，食物似乎薄咗細咗，但未至於個螺咁過份。明白物價指數上升，但作為酒店內的餐廳，唔可以將貨就價。我自己就寧願餐廳加價比返啲有素質的食物比
掙扎咗一段時間，諗緊好唔好寫呢個食評(因為比喊)
話哂呢度曾經係我喜歡食中菜的地方，經常來飲茶亦食過多次晚飯。
屈指一算，晚飯對上一次應該約兩三個月前左右。今次媽媽生日，佢貪方便又唔想煩，提議來返呢度食餐飯。
今次其實都係ORDER 返平時食開嘅菜式，先發現唔知做乜鬼退步神速。長話短說，以下是各方面的summary:
小洋甘菊茶: 飲咗一啖，發生乜嘢事? 再聞下有陣押押地的怪味，即時叫其他人飲下睇下係唔係自己問題，佢地都同意有啲怪味，於是即叫換返正常中國茶比我地。(本來佢仲想話啲味係咁，但我地強調飲過多次好明顯唔係咁既味，最後佢都幫我地cancel)
焗響螺: 以前食過幾次。今次一放低已發覺size縮哂水。釀落去既螺殼由以前螺「爸爸」變咗螺「仔仔」。釀的螺蓉仲要係兩三啖（用佢的小茶匙仔）食完！個螺殻都細啦，佢仲要塞咗舊西蘭花喺入面，基本上啲螺蓉係薄薄咁抺咗少少喺個面到而已。差！差！差！
其他啲小菜有素鵝，帶子兩食（炸同炒）等。味道正常，但都係一樣，食物似乎薄咗細咗，但未至於個螺咁過份。
明白物價指數上升，但作為酒店內的餐廳，唔可以將貨就價。我自己就寧願餐廳加價比返啲有素質的食物比顧客。
寫呢篇食評，希望海逸軒作出檢討與改善。暫時唔會再來晚餐了。
Post