首先黎個小食口水雞先，個汁好口香味，而呢種味又滲到入去雞肉入面，而雞肉都幾滑。
1
麻辣豬耳都幾彈牙，個汁同口水雞既味道差唔多
1
青瓜用左大青瓜黎整，口感就大舊d，水份多，食落清爽。
食食下老板冇啦啦拎條魚出黎介紹佢d魚幾新鮮。
主菜係酸菜烤魚，魚係江團魚，呢個係四川名魚，多數拎黎做烤魚。條魚都幾多肉，肉質滑而且冇細骨，放心食用。呢個唔辣既，好岩落埋幾多配菜落去，因為唔驚太辣食唔到其他火鍋配料。
辣味桂花魚，呢個品種就魚肉滑又多肉，不過就最貴 但係值得一試。如果大家唔係好食得辣就要叫微辣，因為我叫少辣都好辣。
火鍋叫左肥牛，麵，同埋豆卜
呢個都出奇地好食，冇麵粉味，口感似拉麵。
2
1
最後記得叫佢地既果汁，堅係新鮮，呢杯熱情芒果汁好多果肉之餘又唔太糖，好過出面d水果茶都唔知用咩汁沖出黎
