Video
Read full review
2022-08-03
1046 views
自從禁左晚市堂食之後就全部外賣或者自己下廚，所以亦都冇再寫食評，而家重新執筆既第一篇就用女朋友生日既 lunch黎做個開場啦今次黎到板神係灣仔既分店，貪佢景觀開揚，可以用更好既心情黎為呢一餐生日飯加分。首先黎左沙律黎開開胃，酸甜清爽，大熱天時食真係好舒服之後就黎左個刺身三點，厚切肥美，味道唔錯，不過今日重點並唔係佢今日既主角黎啦，一陣就會將佢地送晒去祭我地既五臟府首先開始處理帶子同鮑魚，兩隻既size都非常大，自己買都唔會平，所以可見餐廳既用料係唔錯。帶子煎香左表面，而中間仲係生既，入口甘香鮮甜又軟嫩，加上魚子醬既咸鮮，充分帶出佢既美味，一流相比之下鮑魚就冇咁出色了，不過仍然係非常爽脆彈牙，只係冇帶子咁令人驚艷之後就到龍蝦，望住師傅係面前將龍蝦起肉，加上用龍蝦膏做成既醬汁，真係視覺同嗅覺既享受，龍蝦肉爽口鮮甜，醬汁濃而不咸，並冇蓋過龍蝦肉本身既味道，反而有畫龍點睛之效，令味道更上一個層次再落黎就到牛肉既部份，今次叫左美國牛，加多60蚊試晒厚切同薄切，薄切會加蒜片同葱粒，不過並冇蒜臭味同葱既草青味，只係增香，所以怕口臭或者怕葱味既朋友都可以試下，而厚切既牛肉就比較有咬口，兩隻各有特色，大
今次黎到板神係灣仔既分店，貪佢景觀開揚，可以用更好既心情黎為呢一餐生日飯加分。首先黎左沙律黎開開胃，酸甜清爽，大熱天時食真係好舒服
之後就黎左個刺身三點，厚切肥美，味道唔錯，不過今日重點並唔係佢
今日既主角黎啦，一陣就會將佢地送晒去祭我地既五臟府
首先開始處理帶子同鮑魚，兩隻既size都非常大，自己買都唔會平，所以可見餐廳既用料係唔錯。帶子煎香左表面，而中間仲係生既，入口甘香鮮甜又軟嫩，加上魚子醬既咸鮮，充分帶出佢既美味，一流
相比之下鮑魚就冇咁出色了，不過仍然係非常爽脆彈牙，只係冇帶子咁令人驚艷
之後就到龍蝦，望住師傅係面前將龍蝦起肉，加上用龍蝦膏做成既醬汁，真係視覺同嗅覺既享受，龍蝦肉爽口鮮甜，醬汁濃而不咸，並冇蓋過龍蝦肉本身既味道，反而有畫龍點睛之效，令味道更上一個層次
再落黎就到牛肉既部份，今次叫左美國牛，加多60蚊試晒厚切同薄切，薄切會加蒜片同葱粒，不過並冇蒜臭味同葱既草青味，只係增香，所以怕口臭或者怕葱味既朋友都可以試下，而厚切既牛肉就比較有咬口，兩隻各有特色，大家不妨加少少錢試晒佢
最後就係用龍蝦頭煲既味噌湯同炒飯，到呢度其實已經好飽，味道唔錯既，不過同海鮮比就冇咩可比性了，最後上多個焦糖多士做甜品，表面香脆入面軟熟，非常好食
總結，呢個價錢係呢個地段食到呢個品質既野食，加上景觀同環境，我覺得非常值得一試
Post
